Cenubtv.az xəbər verir ki, İranın dövlət televiziyası Amerika Birləşmiş Ştatları ordusuna məxsus MQ-9 tipli pilotsuz uçuş aparatının məhv edildiyini bildirib.

İran İslam İnqilabı Keşikçiləri Korpusunun yaydığı açıqlamada qeyd olunur ki, həmin uçuş aparatı Hörmüz boğazının hava məkanında yeni hava hücumundan müdafiə sistemi vasitəsilə sıradan çıxarılıb.

Mövcud statistikaya əsasən, bu insident cari qarşıdurma dövründə İran qüvvələri tərəfindən vurulan sayca 58-ci ABŞ istehsalı olan MQ-9 tipli pilotsuz uçuş aparatı kimi qeydə alınıb.

Bununla belə, yayılan bu məlumatlar hələlik yalnız İran tərəfinin bəyanatına əsaslanır və ABŞ rəsmiləri hadisə ilə bağlı hələ ki hər hansı rəsmi açıqlama verməyiblər.